Վերապատրաստող՝ Գևորգ Հակոբյան
Մոդուլը տե՛ս այստեղ:
Առաջին պարապմունք․ 3 ժամ
Ծանոթանում ենք նորմատիվ փաստաթղթերում սովորողի ուսումնառության արդյունքների գնահատմանը վերաբերող հատվածներին․
- հանրակրթության մասին ՀՀ օրենք, հոդված 18 1,2 կետերմ հոդված 27, կետ 7։
- հանրակրթության պետական չափորոշիչ, VI, IX բաժիններ
Գործնական աշխատանք․ հենվելով սեփական փորձի վրա պատասխանեք հարցերին․
- ե՞րբ են գնահատում
Մարդն իր ամբողջ կյանքում ցանկացած քայլ գնահատում է, յուրաքանչյուր արարք գնահատելի է, այն անընդհատ պրոցես է: Գնահատումը պետք է հստակ տարբերել գնահատանիշից: - ո՞վ է գնահատում:
Գնահատում է դասավանդողը, սովորողը, ծնողը, ընկերը: - ի՞նչն են գնահատում:
Գնահատում են սովորողի ձեռք բերած հմտություններն ու կարողությունները, դրանց աճը: Կարող են ներառվել հետևյալ կետերը՝ իր ուսումնական բլոգում հրապարակած աշխատանքները, ուսումնական ճամփորդությունները, հայրենագիտական արշավների նյութերը, առաջադրանքների փաթեթները, լրացուցիչ կրթության նյութեր, ուսումնական նախագծերը, ուսումնական շրջանների հաշվետվությունները և այլն:
- ինչպե՞ս են գնահատում
Սովորողին կարելի է գնահատել ինչպես տաս միավորանոց համակարգով, այնպես էլ հայացքով, խոսքով, շոյելով, բառով և այլն:
Երկրորդ պարապմունք 3 ժամ
Պատասխանեք «Ինչո՞ւ գնահատել» հարցին։
Գնահատումը մարդուն անհրաժեշտ է առաջընթացը կամ հետընթացը ֆիքսելու համար:
Փորձեք մեկնաբանել «գնահատումը, որպես սովորողի խրախուսման և շարունակական զարգացումն ապահովող միջոց» արտահայտությունը։
Գնահատոման միջոցով կարելի է սովորող մոտիվացնինել, սեր առաջացնել դեպի առարկան:
Փորձեք ձևակերպել գնահատման գործընթացի գործառույթներ։
- ինքնակրթություն, ինքնակրթության գնահատումը
- ուսումնական նյութի յուրացման աստիճանի բացահայտումը,
- ուսուցիչ-սովորող համագործակցային հարաբերությունների զարգացումը,
- սովորողի հետ տարվող անհատական աշխատանքի բովանդակության և ծավալի ճշգրտումը,
Փորձեք ձևակերպել գնահատման գործընթացի սկզբունքներ։
- արդարություն
- հիմնավորված
- բաց. թափանցիկ
- մատչելիություն
- թափանցիկություն
Երրորդ պարապմունք 3ժամ
«38. Հանրակրթական ուսումնական հաստատությունում ընթացիկ գնահատումն իրականացվում է քանակական (միավորային) և ձևավորող (ուսուցանող) ձևերով՝ դպրոցի մանկավարժական խորհրդի կողմից հաստատված կարգով։» Հանրակրթության պետական չափորոշիչ, բաժին IX։
Համացանցից գտեք գնահատման յուրաքանչյուր ձևի նկարագրությունը և առանձնահատկությունները։
Ուսուցանող գնահատման նպատակն է ճշգրտել դասավանդման նպատակահարմար մեթոդները, շարունակաբար բացահայտել ուսումնական նյութի յուրացման տարրապատկերը, վեր հանել ուսումնական նյութի յուրացման հետ կապված խնդիրները և սովորողին ուղղորդել տվյալ նյութը սովորելու անհրաժեշտության գիտակցմանը:
Ուսուցանող գնահատումն իրականացվում է ուսումնական առաջադրանքի կատարման կամ նյութի յուրացման վերաբերյալ սովորողին արված խորհրդատվություններով, դիտողություններով, վերլուծություններով և մեկնաբանություններով: Այն միտված է սովորողի առաջադիմության բարձրացմանը և կրթության որակի բարելավմանը:
Ուսուցանող գնահատումը կիրառվում է ուսումնական ողջ գործընթացում և չունի նիշային գնահատման նպատակ:
Ուսուցանող գնահատման նպատակով երաշխավորվում են ուսուցանող աշխատանքների հետևյալ տեսակները`
1) բանավոր հարցում,
2) տնային աշխատանք,
3) կարճ ժամանակի համար նախատեսվող հայտորոշիչ թեստ,
4) ուսուցանող ստուգում,
5) բաց հարցերով քննարկում,
6) ինքնագնահատում և փոխադարձ գնահատում,
7) համագործակցային աշխատանք, գործնական աշխատանք, կիրառություն, ռեֆերատ, նախագիծ:
Քանակական (միավորային) գնահատման համար կիրառվում է 10 միավորային սանդղակ:
10 միավորային սանդղակում որևէ թիվ չի հանդիսանում անբավարար գնահատական, և յուրաքանչյուր նիշ նկարագրում է աշակերտի հաջողության որևէ մակարդակ: Քանակական գնահատումը ցույց է տալիս աշակերտի ուսումնական հաջողությունները, սկսվում 1 միավորից և չունի անբավարար սանդղակ։
«13. Չափորոշչով սահմանվում են հանրակրթության հիմնական ծրագրերի բովանդակության հետևյալ բաղադրիչները՝
1) գիտելիք.
2) հմտություն.
3) դիրքորոշում.
4) արժեքային բաղադրիչ:»
Հանրակրթության պետական չափորոշիչ, բաժին VI
Այս բաղադրիչներից ո՞րը ի՞նչ ձևով կգնահատեք։ Բերեք օրինակներ։
Ձեր դասավանդած առարկայում ի՞նչ կընդգրկեք «դիրքորոշում» և «արժեքային» բաղադրիչներում։
Աշխատանքը տես իմ հոդվածում:
Չորրորդ պարապմունք 2ժամ
«39. Քանակական (միավորային) գնահատման համար կիրառվում է 10 միավորային սանդղակ: 10 միավորային սանդղակում որևէ թիվ չի հանդիսանում անբավարար գնահատական, և յուրաքանչյուր նիշ նկարագրում է աշակերտի հաջողության որևէ մակարդակ: Քանակական գնահատումը ցույց է տալիս աշակերտի ուսումնական հաջողությունները, սկսվում 1 միավորից և չունի անբավարար սանդղակ։» Հանրակրթության պետական չաթորոշիչ, բաժին IX։
Ո՞րն է նորությունը, փորձեք մեկնաբանել։
Նորություն է հետևյալ կետը՝
10 միավորային սանդղակում որևէ թիվ չի հանդիսանում անբավարար գնահատական, և յուրաքանչյուր նիշ նկարագրում է աշակերտի հաջողության որևէ մակարդակ:
Կարծում եմ այսպես այսպես ավելի ճիշտ է, որ անբավարար գնահատանիշ չկա, քանի որ դուրս է եկել նույն դասարան մնալու հասկացողությունը:
«44. 1-4-րդ դասարաններում և 5-րդ դասարանի առաջին կիսամյակում միավորային գնահատում չի իրականացվում: Ընթացիկ գնահատումը կատարվում է բնութագրման միջոցով, իսկ, որպես տարեկան ամփոփիչ գնահատական, կազմվում է յուրաքանչյուր սովորողի ուսումնական առաջադիմության բնութագիրը՝ համաձայն կրթության պետական կառավարման լիազորված մարմնի սահմանած կարգի»: Հանրակրթության պետական չափորոշիչ, բաժին IX։
Համարեք, որ ընդգրկված եք 4-րդ դասարանցու ուսումնական առաջադիմության բնութագիրը ստեղծող խմբում։ Ի՞նչ կընդգրկեիք այդ բնութագրում։
ՏՀՏ հմտությունները՝ բլոգ, էլ.հասցեի կիրառում
ստեղծագործական միտքը,երևակայությունը
համագործակցելու կարողությունը
բանավոր հաշվարկը
տարածության մեջ կողմնորոշվելը
ճանապարհի կանոնների իմացությունը
Հինգերորդ պարապմունք 2 ժամ
Ուսումնական նախագծի կառուցվածքը, բաղադրիչները, կարող եք օգտվել համացանցից, գրականությունից։
Ուսումնական նախագծի իրականացման վերջում ի՞նչը և ինչպե՞ս կարելի է գնահատել։
Ուսումնական նախագծի կառուցվածը
Ուսումնական նախագծի կառուցվածքը
- Նախագծի անվանումը (վերնագիրը)
- Անոտացիա․ բովանդակության, իրավիճակի նկարագրության սեղմագիր
- Տեսակը (օրացուցային, կրթահամալիրային, անհատական, խմբային , դասարանական, ճանաչողական, հետազոտական, համագործակցային, հասարակական, էկոլոգիական, ճամփորդական, միջմշակութային այլ)
- Նպատակը
- Խնդիրները
- Տևողությունը․ կարճաժամկետ, երկարաժամկետ
- Վայր/երը
- Անհրաժեշտ գործիքները, նյութերը
- Մասնակիցները (խումբը, դասարանը, ակումբը)
- Վերջնարդյունքները
- Նախագծի ամփոփում, գնահատում
- Ուսումնական գրականության, այլ ռեսուրսների ցանկ
Նախագծի վերջում պետք է գնահատել՝ ինչքանով է առաջադրած խնդիրը լուծվել, աշխատանքը ավարտվել է ճիշտ արդյոք նշված ժամանակահատվածում, ինչքան ջանք է թափել սովորողը, ինչքանով է աշխատանքը ներկայանալի, ինչքան բազմազան են եղել օգտագործվող գրական ցանկը:
Վեցերորդ պարապմունք 2ժամ
Սովորողի ուսումնական բլոգը որպես սովորողի ուսումնական գործունեության արդյունքների գնահատման գործիք, ուսումնական բլոգին ներկայացվող պահանջներ, ծանոթացում ներկայացում։ Համապատասխանությունը գնահատման ձևակերպած սկզբունքներին։
Վերապատրաստողը համարվում է բաժինը յուրացրած և ստանում է 1 կրեդիտ, եթե իր բլոգում ունի առաջադրանքների (շեղատառերով գրված) 70 տոկոսից ավելին։